| | Staje luntana da stu core,
a te volo cu ‘o penziero,
niente voglio e niente spero
ca tenerte sempe a fianco a me!
Si sicura ‘e chist‘ammore
comm‘i s? sicuro ‘e te.
Oje vita, oje vita mia,
oje core ‘e chistu core,
si state ‘o primmo ammore
e ‘o primmo e ll‘?rdemo sarraje pe‘ me!
Quanta notte nun te veco,
nun te sento ‘int‘a sti bbracce,
nun te vaso chesta faccia,
nun t‘astregno forte ‘mbraccio a me!
Ma, scet?nnome ‘a sti suonne,
mme faje chiagnere pe‘ te!
Oje vita, oje vita mia,
oje core ‘e chistu core,
si state ‘o primmo ammore
e ‘o primmo e ll‘?rdemo sarraje pe‘ me!
Scrive sempe e sta‘ cuntenta,
io nun penzo che a te sola.
Nu penziero mme cunzola,
ca tu pienze sulamente a me.
‘A cchi? bella ‘e tutt‘‘e bbelle,
nun ? maje cchi? bella ‘e te!
Oje vita, oje vita mia,
oje core ‘e chistu core,
si state ‘o primmo ammore
e ‘o primmo e ll‘?rdemo sarraje pe‘ me! |
Комментарии могут оставлять только зарегистрированные пользователи, активировавшие аккаунт!
